PABALIK-BALIK ang tingin ni Ira sa kaniyang cellphone at sa katabi nito na si Jhoyce na busy pa rin sa panonood sa mga racers na nasa harapan nila. Nakakailang tawag na sa kaniya si Allen, pero hindi niya man lang ito masagot. Bukod kasi sa maingay sa loob ng Stadium ay hindi niya rin alam ang idadahilan kay Allen. Hindi niya naman puwedeng sabihin na nandito na siya agad sa Laguna kasama ang kaibigan. Paniguradong malalagot talaga siya sa binata kapag nagkataon.
Matapos tumunog ang pang-siyam na tawag ni Allen ay nakahinga na nang maluwag si Ira dahil ilang minuto rin ang tumagal simula noong huling tumawag sa kaniya si Allen. Akala niya ay hindi na magpaparamdam sa kaniya ang binata matapos nitong sabihin na may ginagawa pa siya. Ilang segundo lang din ang nakalipas ay tumunog na naman
