WALANG lumabas sa bibig ni Ira nang makita si Allen na lumabas ng bahay dala ang ilang gamit na gagamitin niya sa tatlong araw na mawawala ito. Hawak niya si Riley habang pinapainom ito ng gatas at kasabay nito ay ang paghehele niya para makatulog ang bata.
Napangisi ang dalaga nang mapansin niya ang patuloy na paglalakad ni Allen papunta sa sasakyan niya. Hindi rin nagawa nitong lumingon o magpaalam sa kanila. Talagang iniisip lang ng binata ay ang kapakanan nito kahit na may anak siyang maiiwan.
Kung sabagay ay ano nga ba ang magagawa niya? Kaya nga ito kumuha ng katulong para may mag-alaga sa bata at kaya rin ito na-hire ay dahil kailangan niyang magpanggap bilang nanay ng bata. Nakalimutan niyang bayad pala ang lahat ng pananatili niya sa bahay.
Sa tatlong araw na mawawala ang bin
