NAPANGITI si Ira nang buksan ang malaking pintuan ng simbahan. Makita pa lang ang ganda ng pagka-design sa loob ay hindi niya mapigilang mamangha. Nandoon lahat ng taong inaasahan niya na pupunta. Lumapit naman ang kaniyang mga magulang sa kaniya para ihatid siya sa altar.
Alam niyang naging mahirap ang pag-amin niya sa kaniyang magulang, pero hindi siya pinabayaan ni Allen at ng pamilya nito magpaliwanag. Sa huli ay nagkaintindihan at nagkapatawaran din sila sa isa't isa.
She's finally here. Sinabi niya sa sarili na hindi siya iiyak kapag dumating ang araw na ito, pero hindi niya mapigilang magdamdam. Nakailang practice pa siya ng paglalakad, pero alam niyang mawawala lahat ng sinanay niya. Sa paglalakad ay agad niyang nakita ang lalaking nasa dulo ng altar habang naghihintay sa kaniya.
