NAABUTAN ni Allen si Ira na nakatingin sa larawan nilang magkakasama ng pamilya. Pagkapasok niya pa lang sa kuwarto ay pakiramdam nito na may iba siyang nararamdaman. Hindi niya matukoy kung dahil ba nakikita niya ang dalaga katulad ng nakikita niya rito noong nakaraang lingo, na kung saan ay hirap na naman siyang maka-move on sa nangyayari. O dahil hindi lang talaga siya nasanay na may kasamang ibang babae sa iisang bahay?
Ilang minuto rin siyang nakatingin habang nakatayo sa gilid ng pintuan. Hindi siya gumagawa ng movement at pinagmasdan lang ang ginagawa ng dalaga. Ayaw niyang maistorbo ito dahil alam niya na nitong nakaraan ay pinipilit lang ni Ira ang sarili.
Siguro ay mahirap lang talaga maka-move on lalo na kung 'yong pangarap na binubuo niya para sa pamilya ay bigla na lang mawa
