LAHAT ay napalingon nang dumating ang pamilya nina Allen kasama si Ira habang buhat nito si Riley. Taas noo pa rin ang paglalakad ni Alyanna habang nakahawak sa kaliwang braso ng kaniyang asawa. Nakasunod naman sa kanila ang dalawa. Inaalalayan ni Allen ang kaniyang asawa na si Ira.
Sa halip na mapansin ang magagandang disensyo na nakapaligid ay mas napansin nila ang bulungan ng mga tao habang naglalakad sila. Hindi alam ni Allen kung anong gagawin dahil kilala niya ang pamilya na meron ang kaniyang Daddy.
Bago pa man sila makarating dito ay sinabi niya na sa sarili na wala dapat marinig si Ira na hindi maganda tungkol sa kaniya. Alam niyang siya ang nagpasok sa dalaga sa magulo niyang pamilya at siya rin mismo ang maglalabas nito na hindi tinatapakan ang pagkatao niya.
"Okay ka lang?"
