ANIKA
Napakabilis ng pintig ng puso ko nang makalabas ako sa opisina ni Leo. Hindi ko alam kung paano ko nagawa iyon, pero nakayanan ko pa rin kahit alam kong unti-unti na akong natatalo sa tukso.
Hindi pa tapos ang proseso ng annulment namin ni Harold. Sa batas, kasal pa rin ako sa manlolokong lalaking iyon at hindi tama na ganoon ang nangyari sa amin ni Leo kahit pa ikakasal na kaming dalawa dahil kasunduan lang naman namin iyon.
“God! Ano na naman itong pinasok mo, Anika!” pagalit na asik ko sa aking sarili habang sakay ng elevator.
Nagpadalos-dalos na naman ako. Hindi ko alam kung sinadya ni Leo ang nangyari kanina dahil nakikita ko naman na nirerespeto niya ako, pero mukhang natukso na rin siya sa akin, kaya hindi niya napigilan ang kaniyang sarili na halikan ako.
“Hindi iyon ta
