"LALABAS muna ako saglit. May kailangan lang kaming pag-usapan ng kambal. Gusto mo bang sumama?" pagkuha ni Matthew sa atensyon ni Thalia na kasalukuyang nakatuon ang atensyon sa librong binabasa nito. Dalawang buwan na ang mabilis na lumipas buhat nang ikuha niya ang dalaga ng private tutor na magtuturo dito at masasabi niyang malaki na agad ang pinagbago ni Thalia sa dalawang buwang nag-aaral ito. Marunong na itong magbasa at kasalukuyang binabasa nito ay ang english story book na binili niya para dito.
Nag-angat ng mukha si Thalia at napangiti si Matthew nang makita ang nakakunot nitong noo habang nagtatanong ang mga matang nakatingin sa kanya. "May sinasabi ka ba?" tanong nito na mahina niyang ikinatawa. Mukhang nag-e-enjoy ito sa pagbabasa kaya hindi nito nabigyang pansin ang mga sin
