“LONG day, isn’t it?” tanong ni Jake nang mahiga siya sa tabi nito.
Aminado si Monica na mula nang dumating si Anna ay naging mas magaan na ang lahat sa kanya.
Pero hindi rin naman iyon nangangahulugan na hindi na niya tinitingnan ang lagay ng anak niya. Sa katunayan ay siya pa rin ang nagpapaligo at nagpapatulog rito as long as nasa bahay siya.
“Sobra,” sagot niya saka inihilig ang kanyang ulo sa balikat ni Jake.
“Tulog na si Thea?” tanong ni Jake na hinalikan ang ulo niya pagkatapos.
“Oo, pati si Anna tulog na rin,” sagot niya.
“Malaking bagay na nandito si Anna, hindi ba?” tanong ni Jake sa kanya bagaman sa malaking screen ng TV ito nakatingin.
“Oo naman. Pero syempre kahit nandiyan siya eh kailangan ko pa rin na siguraduhing okay ang anak natin,” aniya.
Noong umpisa, aminado
