MALAKAS na nagtitili si Myla nang makauwi siya ng bahay kasama si Jake. Iyon ay matapos niyang ibalita rito ang tungkol sa plano na nilang pagpapakasal ng lihim ng kanyang nobyo sa lalong madaling panahon.
“Masayang masaya ako para sa iyo, Monica,” ani Myla na mahigpit siyang niyakap pagkatapos.
“Huwag kang umiyak! Dapat nga maging masaya ka para sa akin eh,” tukso niya kay Myla na nakita niyang nagpapahid ng luha nang bumitiw ito sa pagkakayakap sa kanya.
“Sorry hindi ko kasi mapigilan,” ani Myla na humagikhik pa pagkatapos. “Ikaw Jake, alagaan mo itong kaibigan ko. Hindi magtatagal iiwan ko na ito kaya masasabi kong mas mapapanatag ako kasi kasama ka niya,” ang kanyang nobyo naman ang hinarap nito.
Noon nilapitan ni Jake si Myla saka iniabot ang kamay rito. “Kung ganoon pala sa iyo k
