HAPON kinabukasan nang matapos ni Monica ang lahat ng kailangan niyang tapusin. At dahil nakapag-empake naman na si Jake para sa mga kakailanganin nilang dalawa ay hindi na niya kailangang gawin iyon. Hindi na rin kasi pumasok ang asawa niya kinabukasan upang asikasuhin ang mga iba pa nilang kailangan sa biyahe.
Si Althea ay maagang sinundo ng lola at ama nito.
Habang si Jake naman ang kumausap sa kay Aling Nida kung pwedeng ito na muna ang magbantay sa kanyang tindahan sa loob ng dalawang linggo habang wala silang dalawa. At dahil nga wala naman si Ma’am Cecil ay pumayag ang ginang.
“Ready?” tanong ni Jake sa kanya nang pareho na silang nasa loob ng sasakyan.
Nakangiting tumango si Monica. “Ready,” sagot niya sa asawa.
Ilang sandali pa at nasa daan na sila. Pasado alas siyete na na
