“WALA ako ipinakitang hindi maganda sa kanya. Pero para gawin niya sa iyo ang ganito, hindi ko iyon mapapatawad. Humanda sa akin ang babaeng iyan,” ang galit niyang sabi habang hinahaplos ang likuran ng kanyang anak.
Ang lahat ng sinasabi ni Tina ay totoo sa loob niya.
This time ay talagang galit siya kay Monica.
"Ma, ang sakit-sakit ng ginawa niya sa akin, Ma," ang umiiyak pa rin sa sambit ng kanyang anak.
"Huwag kang mag-alala, this time, masasabi kong may bago siyang kaaway. At hindi ako titigil hangga't hindi ako nakakaganti dahil sa ginawa niyang pang-aapi sa iyo," ang matatag na winika ni Tina.
*****
“MABUTI naman kung ganoon, at least hindi na kayo magtatago ni Jake. Masaya ako para sa inyong dalawa, Monica,” ang mabait na sambit ni Aling Nida nang araw rin iyon habang tinu
