HINDI na nagpalipas ng gabi si Jake sa bahay niya matapos ang nangyari sa kanila. Hiningi kasi niya sa binata na katulad ng nauna na nilang ginagawa ay manatiling lihim ang lahat ng nangyayari sa kanila. Pero sa kabila niyon ay hindi maikakaila ni Monica na napakasaya niya. Kaya hindi na siya nagtaka kinabukasan sa naging komento ni Myla sa kanya.
“Iba yata ang aura mo ngayon?” anito sa kanya.
Kararating lang noon ni Myla galing ng duty at kasama niya sa kusina ang kaibigan at kumakain ng agahan.
“Maganda lang ang tulog ko kagabi. Bakit? Ano bang meron sa aura ko?” aniyang ginawang normal ang tono ng kanyang pananalita kahit alam naman niya kung ano ang totoo.
“Thank you,” ani Myla nang ilapag niya sa harapan nito ang mug ng tinimpla niyang kape. Pero nanatiling nakatingala sa kanya a
