"Bakit ba kasi puro kayo negative thoughts, Mommy, Daddy?" tanong ni Chin-sun sa mga magulang.
Kaso kurot ang napala sa ina.
"Halika nga rito. Ikaw na babae ka mukhang nakalimutan mo na yatang babae ang kapatid mo. Mabuti sana kung militar na tulad mo. Kahit pa sabihing nagtraining iyon ay iba pa rin sa center of concentration," anitong nakakurot ang mga daliri sa kaniyang baywang.
"Awat na, Mommy. Daddy, sabihan mo si Mommy. Militar officer ako... Awat na..." Pagpapatigil niya sa inang naging alimango na yata ang daliri dahil sa pagkurot sa kaniya.
"Aba'y bakit ako papagitna, anak? Paano kung ako naman ang kurutin niya? Well..." pabiro at pabitin ding tugon ni Jang.
Ganoon naman talaga silang pamilya. Isa iyon sa hinahangaan niya sa kaniyang mga in-laws. Kahit pa maghabulan ang mga i
