NAGISING ako na pagmumukha agad ni Tredius ang aking namulatan. Naabutan ko pa ang marahan na paghaplos ng kamay nito sa buhok ko, pero nang makita ang pagmulat ko ay mabilis na binawi ang kamay at singbilis ng kidlat na napaayos ng tindig sabay tikhim na parang walang nangyaring paghaplos.
“Mabuti naman at nagising ka na,” ubod ng seryoso na nitong wika sa akin at salubong na ang mga kilay.
“Nasaan ako?” Mabilis naman akong bumalikwas ng bangon, pero agad din akong napahiga pabalik at napangiwi sa sakit dahil sa pagkirot ng buong katawan ko. Tangina! Para akong lamog na lamog!
“Narito pa rin tayo sa Dynasty Island. Narito tayo sa hotel room outside the cave,” Tredius answered my question.
“What happened?” muli kong tanong at nakangiwi pa. Talagang ang sakit igalaw ng katawan ko.
“I k
