"Hindi ka sasama, Beryl?" Sahod ngayon at nataon pa na Friday, kaya ang mga kasamahan ko sa work ay nag-aaya na kumain sa labas. May bagong bukas daw na kainan at nag-s-serve din daw ng alak.
"Kayo na lang," sabi ko naman habang chini-check isa-isa ang laman ng aking bag. Napakapit ako sa dulo ng aking mesa nang makaramdam ako ng pagkahilo. Ba't bigla na lang akong nahilo?
"Ayos ka lang?"
"Ah, oo... Medyo nahilo lang ako. Kayo na lang, sa susunod na lang ako."
"Sige, ikaw ang bahala. Kahit naman hilain ka namin, hindi ka magpapahila." Nginitian ko ang mga ito. May naghihintay na anak sa akin sa bahay kaya hindi puwedeng hindi ako agad umuwi.
Bumili ako ng lechong manok bago ako umuwi. Request kasi ito ni Precia kagabi. Nakakatuwa dahil ang dami niyang nakakain kapag lechon ang ula
