MAHIMBING na ulit ang tulog ni Solde nang iwan ko sa kama. Isang halik ang itinanim ko sa mga labi niya bago ako lumabas ng kwarto. Hindi pa ako lubusang nakakaalis, nami-miss ko na agad si Solde. Kung may ibang paraan lang sana, hindi ko na gustong umalis sa tabi ng asawa ko. Gusto kong bantayan at alagaan siya lalo na sa kalagayan niya ngayon. Pero kailangan kong umalis ulit. Kailangan kong gumawa ng paraan para maiseguro ang kaligtasan hindi lang ni Solde kundi pati ng mga anak ko.
Dumirecho na ako sa hotel. Hindi pa ako sigurado kahapon, pero ngayon natitiyak kong hindi pa umaalis si Noelle. Hindi niya ako iiwan basta. She’ll make sure that I’m with here when she comes back to Zambales. Hindi ko alam kung ano talaga ang plano ni Chelsey. Ayon kay Solde, ito mismo ang may gusto na uma
