NAGING mabilis ang pag—ikot ng kamay ng orasan, ang isang araw ay naging isang linggo hanggang umabot ng isang buwan. Isang buwan na ang nakalipas nang maging okay muli kami ni Phoenix, hindi na niya ako iniinis at lalong hindi na niya ako hinahawakan without my permission.
“Ate Jobelle, mauuna na kaming umalis ng Papa mo, ha? Kailangan naming maagang pumunta sa boutique, may bagong delivery ang pinagkukuhan namin, kapag may girls and boys, magcha—chat ako sa iyo para sabihan silang anim, anak?”
Tinignan ko si Mama na hawak na ang kanyang bag, si Papa naman ay nasa labas na yata. Ngumiti ako sa kanya. “Okay po, sabihan ko na lamang po sila mamaya, Ma! Hindi naman po sila tatanggi, pagkain lamang ang suhol sa mga iyon,” sagot ko sa kanya at muling tumingin sa TV, nanonood ako ng educatio
