Lina
MATAPOS matimplahan ng mga gatas ang mga bata sa kani-kanilang mga feeding bottle ay umakyat na muna kami sa second floor. Dinala namin sila sa room nila.
Bumungad sa amin ang napakalawak na silid na parang nasa gitna talaga ng kagubatan ang ginamit na interior design. May mga nakapintang puno at mga halaman sa mga pader. May parang daan sa gitna ng mga ito.
Langit at puro ulap naman ang nasa kisame na mayroong araw sa mismong kinalalagyan ng pabilog na ilaw sa gitna. May mga maliliit din na mga ilaw na hugis stars naman sa ilang mga bahagi nito. Ang mga bunk bed nila na yari sa mga kahoy ay naririto sa kanang bahagi ng silid nila. Built-in ito. Dalawa sa baba at dalawa sa itaas. Mayroon itong nag-iisang hagdan sa gitna.
Nagkalat din ang mga malalaking toys sa buong paligid. Mga
