Lina
ILANG LINGGO ang lumipas na kahit pwede naman na akong lumabas ay pinili ko pa ring manatili dito sa hospital dahil ayokong iwan ang mga anak ko.
Kailangan nila ako dito. Hahanapin nila ang mga bisig ko at ako lang din ang magpapasuso sa kanila araw-araw at gabi-gabi. Kaya hinintay na lang namin ni Desmond ang tuluyan nilang paglakas.
Habang nananatili naman kami dito sa hospital ay tinuturuan na ako ng mga nurse nang tamang pag-aalaga sa mga baby namin. Simula sa tamang paghawak, tamang pagbuhat, tamang pagkarga, tamang pagpapaligo, pagpapalit ng mga diaper, at kung ano-ano pa.
Kailangan din daw namin paarawan ang mga anak namin sa umaga araw-araw dahil sa vitamin D na maaari nilang makuha dito. Nakakatulong daw ito mag-absorb ng calcium, na nakakatulong sa pagbuo ng matibay n
