Ganoon lang ang nangyari pagkatapos naming mag-away ni Tristan. Nang maglunes ay muli na naman akong nakaramdam ng lungkot at habang lumilipas ang araw ay mas nadadagdagan lang ang lungkot ko.
"Guys! May chika ako!" excited na sabi ni Milan nang umupo sa harapan namin ni Riva.
Nasa cafeteria kami sa labas ng campus dahil wala na kaming klase ngayon. Hinihintay lang namin sila Tristan at Kuya Rafael dahil sabay-sabay daw kaming magdi-dinner. Aalis na kasi si Jake at Kyle kaya mababawasan ang grupo namin at nalulungkot na ako kaagad.
"What is it? Spill the tea!" agad namang sabi ni Riva at bahagyang hinampas sa braso si Milan.
Nagkibit naman ako ng balikat sa kanilang dalawa habang sumisipsip sa frappe ko. Si Milan naman ay agad na tumingin-tingin sa loob ng cafeteria.
"I just heard som
