"Jada, pinapatawag ka ni Ma'am Sabina sa office niya."
Nilingon ni Jada ang kaniyang ka-opisina at kapwa interior designer na si Beth.
"Bakit daw?" kunot noong tanong niya.
Umiling ito. "Ewan ko, wala namang nabanggit, basta ang sabi lang niya "Call Jada, I need her in my office now!" Ginaya ni Beth ang maarteng pagsasalita ng kanilang boss na si Sabina.
Imbes na matawa ay nakaramdam ng pagkabahala si Jada.
"Gets mo naman siguro, mukhang imbyerna ang bruha. Kaya naman pumunta ka na bago pa 'yon lumabas at magtatalak dito," anito.
"Okay, sige na, pupunta na 'ko."
Dali-daling tumayo si Jada at tinungo ang opisina ni Sabina. Nang nasa harapan na siya ng pinto ay hindi muna siya kumatok. Huminga muna siya ng malalim para matanggal ang tensiyon sa kaniyang katawan. Hindi niya alam kung
