Bandang hapon ay sinubukan ni Jada na maglakad-lakad kahit sa paligid lang ng villa. May malaking duyan sa harapan nito na puwede kang magpahinga at matulog. Doon siya pumuwesto at nagbasa ng libro na ilang araw na niyang binabasa ngunit hindi parin niya matapos-tapos.
Masyado siyang nadala sa kaniyang binabasa at hindi niya namalayan ang pagsulpot ni Caleb sa kaniyang harapan.
"Care for a drink?" sabi nito na itinaas pa ang dalawang kamay na may hawak na soft drinks in can.
Agad na napaangat ang ulo ni Jada at nabungaran niya ang binata, ang ganda ng pagkakangiti nito at ang gwapo-gwapo nito sa suot na simpleng t-shirt na puti, ngunit mamahalin naman ang tatak. Naka short itong gray at nakasuot ng shade na lalo pang nagpadagdag sa kagwapuhan nito.
Napangiti siya at tinanggap ang inumi
