Napakunot ang noo ni Sabina nang makitang nagkakagulo ang kaniyang mga empleyado. Masayang nagsasalo-salo ang mga ito sa pagkain na nakapatong sa lamesa. Mga box ng pizza iyon na ngayon ay kinakain ng mga ito.
"Ay, Ms. Sabina, baka gusto ninyong magmeryenda, ito po pizza, sa'yo na ang isang box," alok ng isang interior designer kay Sabina.
"No, thanks, I'm on a strict diet," mariing tanggi niya.
"Bakit nga pala ang dami ninyong pizza, kanino ba galing ang mga'yan?" maya ay curious na tanong pa niya sa mga ito.
"Ah, sa asawa ni Jada, ma'am, si Atty. Jacob Leviste. Kapag nagpapadala kasi siya ng pagkain kay Jada ay idinadamay na rin niya kami. Ang bait talaga ng asawa ni Jada at napaka-sweet pa, kahit matagal na silang mag-asawa ay parang bago pa lang sila dahil hindi ito nagsasawa na li
