Dahil sa matinding kalasingan ay hindi napigilan ni Jada ang sarili na makatulog. Bumagsak na lamang ang ulo niya sa balikat ni Caleb.
Nagulat naman ang binata na noon ay nakatanaw sa langit, binalingan niya ng tingin si Jada, napangiti siya ng makita ang maamong mukha nito. Kinabig niya ito at pinasandal sa dibdib niya para mas maging komportable ang posisyon nito.Tiningnan niya ang oras sa suot niyang relo, 10:30 PM na ang nakasaad doon. Hinayaan lang muna niya sa ganuong posisyon si Jada. Narinig pa niya ang mahinang paghilik nito kaya napangiti na naman siya.
Patuloy pa rin ang kasiyahan at inuman sa yate. Ngayon naman ay nagustuhan ng mga bisita na mag-videoke kaya masaya silang nagkantahan. Naging mas masigla ang paligid ang ngiti at tawanan ng mga bisita ay patunay lang na talagan
