"SO, ano ngayon ang plano mo, pinsan?" tanong ni Khalid nang sa wakas ay humupa na ang kanilang kumustahan.
"Sa katunayan ay hindi ko alam, pinsan. Kailanman ay wala akong pinagsisihan sa naging desisyon ko noong umalis kami sa Manila. Ngunit sa ngayon ay aminado akong hindi ko alam ang sagot sa tanong mo," tugon nito.
"Kung ikaw pa rin ang kilala kong pinsan na best friend ko ay masasabi kong kailangan mong hanapin muna si Adel dito. Kahit pa sinabi niyang huwag mo siyang hanapin. Dahil alam kong iyon din ang sasabihin sa iyo nina Mama at Papa. Subalit nasa iyo rin ang desisyon," aniyang muli.
Sa tinurang iyon ng pinsan niya ay bahagyang natigilan si Reynold Wayne. Dahil nagbitiw siya sa trabaho dahil sa rasong kailangan niyang hanapin ang asawa. Subalit sa oras na iyon ay aminado siya
