"H-huwag n'yong b-buksan. H-hindi n'yo a-alam kung s-sino sila," pautal-utal na sabi ng Ginang.
Mabilis ang pagresponde ng katawan nito. Halos paralisado ang buo nitong katawan. Subalit naging mabilis ang pagresponde ng katawan nito. Dahil simula nang naoperahan ito ay paunti-unti nang nakapagsalita kahit halatang nahihirapan.
Samantalang kahit hindi nakakapagsalita si Ivanna ay alam nilang sinasang-ayunan nito ang ina dahil sa galaw nito. Bukod sa umiiling-iling ito ay ikinukumpas pa ang palad. Para bang sinasabi nitong huwag pagbuksan ang pintuan.
"Paano iyan, insan? Aba'y parehas pa tayong hindi kasing liksi nila Bitchichay at Art Dos. Ano'ng gagawin natin ngayon?" pabulong na tanong ni Benedict.
"Iyon na nga, insan---"
Pero ang pananalitang iyon ni RW ay hindi natapos. Hindi nila
