KINAKABAHAN nang napagsolo na sina Adel at Reynold Wayne.
"Mahal, galit ka ba sa akin dahil sinaway ko si Mommy?"
"Bakit naman ako magagalit, asawa ko? Alam ko namang ginawa mo lamang ang obligasyon mo bilang anak."
"Mali at tama, mahal ko. Mali dahil hindi lang bilang obligasyon kundi ginawa ko ang tama. Tama dahil bilang anak at manugang ay ayaw ko ring magkalamat ang relasyon ninyong mag-ina."
Sa pahayag na iyon ng asawa niya ay muling natahimik si Reynold Wayne. Tama naman ang lahat na aanhin niya ang pera kung hindi niya maipagamot ang sarili. Ngunit nahihiya rin siyang sumagot pa sa inang halatang hinarang lang ng mga nandoon upang manahimik na.
"MAHAL, please. Pumayag ka nang magpaopera. Kailangan nating agapan iyan bago lumala. Kagaya nang sinabi ng doktor kanina ay mayroong b
