"SO, kumusta ang bago mong paningin, mahal ko?"
"Maraming salamat sa iyo, asawa ko. Dahil ikaw ang nagtulak sa akin upang ipagamot ang mga mata ko."
"Ikaw naman, mahal. Natural na iyon dahil asawa kita."
Oo, hindi man dumaan sa eye operation si Reynold Wayne ngunit natagalan sa pagamutan. Dahil sa pagkabaril sa tiyan at aksidenteng pagkatanggal ng life saving machine ay kamuntikan din itong namatay. Mabuti na nga lang at naagapan ng mga doktor. Ayon sa paliwanag nito ay nanaginip na may sumasakal at iyon ang naging dahilan na nagising mula sa ilang araw na pagtulog.
Kaso sa pag-aakalang totoo ang panaginip ay biglang napatayo upang depensahan ang sarili. Subalit dahil sa tiyan ang tinamaan ng baril ay nabagsak din ngunit nasagi ang mga wires na nakasabit sa katawan kabilang na ang life
