(AMELIE)
Natatakot man ay pilit akong nagpapakatatag. Hindi pwede na Wala akong gagawin. Hindi ko hahayaan na magtagumpay si Zane sa mga plano niya.
Tumayo ako. Naghanap ng pwedeng malabasan. Lock ang pinto. Maging ang bintana ay nilagyan ng padlock.
Pumunta ako sa CR at nagkaroon ako ng munting pag-asa nang makitang may maliit na bintana dito na pwedeng lusutan dahil sa Tantya ko ay kasya naman ang katawan ko.
"Amelie, ano iyang ginagawa?" tanong ni Angel na nagising at sumunod pala sa akin.
"Tulungan mo ako, Angel."
"Ano ang gagawin?"
"Tulungan mo akong makasampa sa bintana."
Nakita ko ang pag-alinlangan sa mga mata niya.
"Angel, please!"
"Delikado! Paano kung mahuli ka?" puno ng takot na tanong niya.
"May gawin man tayo o wala, papatayin tayo ni Zane!" sabi ko.
"Paano ako
