HINAWAKAN ni Thunder ang kamay ko at sabay kaming pumasok sa isang magarbong restaurant. Dito siya nagpasyang gawin ang hapunan ng pamilya namin para masabi na rin niya kay Papa ang balak naming pagpapakasal.
Pagkapasok namin ay naabutan na namin ang mga magulang namin na magkakausap kasama ang mga kapatid ni Thunder at si Karlos. Nasa tabi ni Karlos si Bella. May mga pagkain na sa mesa at parang kami na lang ang hinihintay nila.
“Good evening, po.” Nakangiting bati ko sa mga magulang ni Thunder pagkalapit namin at humalik sa pisngi nila.
Humalik din ako sa pisngi ni Stormy at umupo na, si Thunder naman ay nakipag-kamayan kina Papa at Karlos.
“So, what do we need to talk about your upcoming wedding?” nakangising tanong ni Papa, bagay na pareho naming ikinagulat ni Thunder.
“Sorry, son
