Kimberly Marquez
KINAYA ko ang magpanggap sa harap ng babaeng iyon habang kasama ko siya at hinatid sa fashion club. Halos hindi ko matingnan ang kanyang mukha dahil alam ko sa sarili kung sino siya at nabuo ang insecurities ko sa katawan nang makita ko nang personal ang babaeng iyon.
Maganda siya. Matangkad at higit sa lahat, mahinhin magsalita. Bagay na bagay na sa kanya ang maging modelo at sa tingin ko, siya ang pioneer ng fashion club.
Kasalukuyan akong nakapalumbaba ngayon sa loob ng classroom habang hinihintay dumating ang aming professor. Hindi ko alam kung bakit ngunit tila otomatikong lihim na sumulyap ang mga mata ko sa direksyon ni Seven. Tulad ng madalas niyang ginagawa, nakatanghod lang siya sa labas ng bintana habang nakapalumbaba. Kahit ganito lang ang inaakto niya, napa
