Seven Hunk Perez
ILANG buntonghininga na ang aking nagawa. Marahan kong sinandal ang likod sa backrest ng aking swivel chair saka muling huminga nang malalim.
Bakit hindi ko ma-contact ang kanyang telepono? Ilang araw na simula nang huli kaming mag-usap pero hanggang ngayon, hindi pa rin siya tumatawag.
Ilang araw na rin akong hindi makatulog at hindi mapakali. Alam kong may mali noong huling araw na nagkausap kami. Alam kong may tinatago sa 'kin si Kim dahil ganoon naman talaga ang kanyang personality at iyon ang isa sa kinaiinisan ko.
Kung minsan kasi ay mahilig siyang magtago ng lihim at gusto lang solusyonan sa sarili niyang paraan.
Tinaas ko ang aking ulo at tumingin sa malayong kisame ng aking kwarto.
Ano na ba ang gagawin ko sa babaeng 'yon? wika ko sa sarili.
Muli akong tumi
