HINDI agad sumagot si Thumbler at bahagya pa niyang pinag-iisipan kung sabihin ba niya sa asawa kung ano ang tunay na sitwasyon nila ni Lovely.
"Kung ayaw mong sabihin ay okay lang naman. Wala itong sapilitan." At bahagya pa siyang ngumiti.
"Halika, doon tayo sa sofa."
"Ay—" boses ni Aggie sa pagkabigla. Dahil binuhat siya ng asawa na walang pasabi.
Lihim na napangiti ang kasambahay at masaya siya sa tuwing nakikita ang dalawa na naglalambingan sa isa't isa.
"Gie-Gie, may gusto ka bang kainin?" sambit niya, at nakatayo ito sa may pinto.
"Fruits, Nay Sylvia…" Thumbler ang sumagot.
Hanggang sa naiwan ang dalawa at nagsimulang nagkuwento si Thumbler.
"Ang totoo ay hindi ko alam ang background ni Lovely. Nakilala ko lang siya sa bar dahil isa siyang entertainer. Wala kaming rel
