Tuesday in the morning, maagang nagising si Daryl. Napag-isip-isip niya na kailangan na nilang makabalik sa Makati dahil matagal-tagal niyang hindi naaasikaso ang kumpanya niya dahil nga sa pagkaaksidente niya. At dahil huling araw na iyon ng pananatili sa resthouse ng kapatid ay napagpasyahan niyang maglibot-libot dito. Hindi na siya nagpaalam kay Lhianne dahil mahimbing pa itong natutulog nang silipin niya ito sa kuwarto nito.
Naglakad-lakad siya hanggang sa makarating siya sa dalampasigan. Hindi niya inaakalang ganoon pala kaganda ang lugar na kanilang pinuntahan. Kay sarap ng hangin. Preskong-presko at napakaaliwalas ng langit. Napakatahimik rin ng resort at tanging pagaspas lang ng alon ang maririnig sa lugar na iyon. Nang may makita siyang malaki at malapad na bato sa hindi kalayuan
