NANG maging abala si Drake sa pagkausap sa mga tito at tita niya sa side ni Mommy Juliet ay nakahanap ako ng pagkakataon para malapitan si Vic. Si Vic naman ngayon ay naglalakad na patungo sa dagat. Himas-himas ko ang tiyan ko habang sinusundan siya. Wala na ring saplot ang aking mga paa.
Di nagtagal ay tuluyan nang nasayaran ng tubig-dagat ang mga paa niya. Huminto muna siya at nagtampisaw. Ako naman ay huminto rin sa di kalayuan, at pinagmasdan siya. Huminga ako nang malalim bago tuluyang lumapit sa kanya. Hanggang sa masayaran na rin ng tubig-dagat ang aking mga paa.
Huminto ako sa tabi niya at tumingala sa kalangitan. Nakita ko mula sa gilid ng aking mga mata ang paglingon niya sa akin at pagngiti.
"Yong totoo. Ano ba talaga ang pakay mo rito?" tanong ko sa kanya bago ko siya nili
