THIRD PERSON POV
MAKALIPAS ANG ISANG BUWAN
"Zayden Montclaire, Bachelor of Science in Business Management!"
Pagkarinig ng kanyang pangalan ay isang malalim na buntong-hininga ang pinakawalan ni Zayden bago lumakad paakyat ng entablado. Suot ang itim na toga, ramdam niya ang pinaghalong kaba at saya sa bawat hakbang.
Pagkatapos ng lahat, heto na siya at tatanggap na rin ng diploma. Handa na niyang lisanin ang Eagle Mountain University, pagkatapos ng napakaraming taon.
Mula naman sa kanyang kinatatayuan sa stage, hindi maalis ni Darcy ang tingin sa fiancé habang umaakyat ito ng hagdan. Nag-uumapaw ang saya sa puso niya, at hindi niya mapigilan ang ngiti. Sa wakas, he made it. Alam niya kung gaano kahirap ang pinagdaanan ni Zayden para marating ang sandaling ito.
Pagdating sa harapan, s
