February
Lumabas ako ng mansyon at tinungo si Renzo sa patio. Nakaupo siya roon at nakayuko, na tila may malalim na iniisip. Nakatukod ang mga siko niya sa mga hita niya at pinagmamasdan ang mga kamay niyang maya't mayang naglalapat ang dulo ng mga daliri sa isa't isa.
Agad din siyang napalingon sa akin at tumayo. Lumapit siya sa akin, niyakap ako at humalik sa pisngi ko. Kung noon ay naaasiwa lamang ako sa mga ginagawa niyang ito, ngayon ay nandidiri na ako—lalo na matapos kong malaman ang tunay niyang pagkatao.
Halo-halo ang nararamdaman ko sa kanya ngayon—sakit, matinding galit, at pagkadismaya sa panloloko niya sa amin. Sa kabila ng lahat, kahit paano, minahal ko rin siya bilang isang matalik na kaibigan noon.
"Sorry for what happened last night," aniya. Napakalungkot na naman ng m
