THIRD PERSON POV
"Bakit hindi mo ipinaalam sa akin na ipapasok mo sa eskwelahang 'yon si Jaxine?" agad na kastigo ni Rhoda kay Jaxx pagpasok pa lamang nito ng pinto ng bahay nito.
Binigyan naman ni Jaxx ng isang tamad na tingin si Rhoda na parang hindi nag-aalala sa galit nito. Nilampasan niya ito at dire-diretsong nagtungo sa sala ng bahay. Samantala, ang batang si Jaxine ay nagkubli sa isang pader sa ikalawang palapag habang pinagmamasdan ang mga magulang niya sa ibaba.
"Ano ba talagang plano mo?!" muling tanong ni Rhoda kay Jaxx. "Kaya ba lumipat ka ng bahay dito sa Tanay? Gusto mong ilapit si Jaxine sa kanya?!"
Muling nilingon ni Jaxx si Rhoda. "What do you think?" mahinahon ngunit matigas nitong tanong.
Napanganga si Rhoda at tumitig sa kanya na tila hindi makapaniwala. "Do you
