PAREHO naming hinarap ni Drake ang mga bago naming maid, na sila aling Susan at aling Perla. Pareho silang edad 45 na. Nakikita ko naman sa kanila ang respeto sa paraan nang pakikipag-usap sa amin kahit mas matanda sila sa amin. Pareho rin kaming nagbigay ng rules ni Drake sa kanila. Ipinaalam din namin ang kundisyon ko.
Oobserbahan din namin ang performance nila sa loob ng isang linggo, at kung maayos ang kanilang trabaho, mananatili sila bilang parte ng household staff namin.
Samantala, pinakiusapan muna ni Drake si Kayla na magpaiwan muna dito sa bahay para may makakasama ako dahil medyo hectic na raw ngayon ang trabaho niya sa opisina at bago pa lamang ang aming mga maid.
Sumang-ayon naman ang mga kapatid ko, kaya sila Norris at Nerissa na lamang muna ang umuwi sa probinsya sakay
