Pagsara ng pinto ay naisandal ko na lang ang aking likuran doon. Nawiwirduhan ako sa aking sarili simula pa kagabi. Dahil ba sa babaeng iyon? Dahil ba kay Levina?. Naiinis ako sa kanya. Pero bakit bigla ay nag-iba? Inis na parang napalitan ng awa. Marahil ay ngayon ko lang napagtanto ang kanyang kalagayan.
Pailing iling akong pumunta sa aking kama at doon ay naupo. Nag-iisip kung bakit bigla na lamang akong naawa sa kanya. Dati ko naman alam na wala siyang magulang. Dati ko na ding alam na katulong siya. At ang nag-papaaral sa kanya ay ang kanyang amo. Ang pinsan ng aking kapatid na si Apollo.
Walang ano ano ay inihilamos ko ang kamay sa aking mukha. "Geez.. Ano bang nangyayare sa akin?". Isang katok mula sa pinto ang bumasag sa aking pagmumuni.
"What?!" bungad ko pagbukas n
