“JERO! May project tayo sa arts. Gagawa ako ng kuwento tungkol sa mag-asawa. Ikaw ang gaganap na tatay at ako ang nanay, puwede ba?” tanong ni Katrina kay Jero nang maabutan niya ito sa science garden. Nakaupo ito sa sementadong bench.
“Ayaw ko,” tanggi nito.
“Bakit? Kunwari lang naman, eh.”
“Mag-isip ka na lang ng ibang concept. Hindi bagay ang ganoong kuwento sa atin.”
“Bakit, ayaw mo ba akong maging asawa?” nakangiting tanong niya.
“Ayaw ko ng asawa.”
“Sus! Kapag naging asawa mo ako in future, paluluhurin kita sa monggo!”
“Sige. Huwag ka muna umasa baka masaktan ka kapag hindi nangyari ang sinasabi mo,” anito.
“Oo! Tingnan natin.” Iniwan na niya ito…
NAG-UUNAHAN na naman sa pagpatak ang luha ni Katrina matapos maalala ang ibang bahagi ng nakaraan nila ni Jero. Nitong buwan lang
