Hindi maipinta ang mukha ni Angelo habang nakaupo sila sa living room kaharap ang kapatid niya at ang asawa nito. Nasa tabi niya si Vanessa na hindi makatingin sa dalawang taong nasa harap nila at bahagyang nakasiksik ito sa kanyang katawan. Namumula ang mukha nito at nahihiya dahil nahuli sila ng mag-asawa sa ganoong tagpo. Lihim na lang siyang natatawa sa reaksyon nito.
Alam niyang kahapon pa dumating ang kanyang Ate Caren at ang asawa nito pero naiwan pa sa lungsod ang tatlong anak ng mga ito.
Kaya nakabuo siya ng plano at iyon ay ang magpahuli sa kapatid niya sa ganoong tagpo para mapilitan si Vanessa na ipaalam ang kanilang relasyon bilang mag-asawa. Alam niyang hindi papayag ang kapatid niya na ilihim iyon sa magulang ni Vanessa kaya sigurado siyang malalaman ng lahat na mag-asawa
