CHAPTER 40
"W-What do you mean, Paul?" naguguluhan niyang wika sa kanyang asawa.
Nakatitig lamang siya sa mukha ni Paul. Pilit niyang hinahanap ang kasagutan sa mukha nito. But she was clueless. Hindi niya makuha ang nais nitong ipakahulugan sa mga sinabi nito kanina.
"Ninong ko ang ama ni Minerva. Kaya matatawag na kinakapatid ko siya," tugon nito sa kanya.
Of course, she got that. Ang hindi niya maintindihan ay kung bakit ganoon nito ipakilala si Minerva sa kanya. Bakit hindi nito tukuyin bilang ex wife ang babae?
"S-She was your wife, wasn't she?" tanong niya dito sa mahinang tinig.
"Yeah," anito habang nanatili itong nakatunghay sa kanyang mukha. "Ngunit maliban sa kapirasong papel na nagsasabing legal kaming mag-asawa noon ay wala na akong naging relasyon kay Minerva."
Nagdikit
