NAGISING ako na nasa loob ng isang silid. Wala na ang mga nakabit na dextrose sa katawan ko at wala na rin ako sa dating silid, kung saan ako ginamot ng doktor na kilala ni Orly. Sinubukan kong bumangon kahit medyo masakit pa rin ang mga paa at braso. Nang buksan ko ang pinto ng silid napansin kong nasa tatlong palapag ako ng malaking bahay. Pinilit kong maglakad pababa upang umalis. Kailangan malaman nilang buhay ako.
“Ma’am Seraphine, ‘wag po kayong lumabas ng kuwarto.”
“Huwag mo akong pakialaman!” sigaw ko.
“Hindi po kayo puwedeng lumabas hindi pa kayo masyadong magaling.”
“Shut up! Stupid maid!” iritable kong sigaw.
“Who are you to insult my maid?” Hindi maipinta ang mukha ni Orly habang nakatitig sa akin.
“Sir, pasensiya na po kung hindi ko siya napilit na pumasok sa loob ng kuw
