"Here, have a drink," ani Agustine habang ibinibigay sa akin ang isang basong tubig.
Wala sa sarili ko naman iyong tinanggap. Nandito kami ngayon sa living area ng bahay. Nakaupo ako sa couch habang nanatili naman siyang nakatindig sa harapan ko kahit pa kinuha ko na ang baso sa kanya. I took a sip. Hindi ako makatingin sa kanya dahil hanggang ngayon ay lunod pa rin ang utak ko sa pag-iisip.
Mayamaya pa ay naramdaman ko ang marahan na pagkuha ni Agustine sa hawak kong baso saka iyon inilagay sa center table. Pagkatapos niyon ay naupo siya sa tabi ko at masuyong kinuha ang isa kong kamay. Isang buntonghininga ang pinakawalan niya habang marahan na minamasahe ang kamay ko.
"I will not ask if you're okay because obviously you are not," he said.
Alam kong nakatingin siya sa akin pero ipina
