Tatalikuran ko na sana siya nang may maalala akong sabihin. Ilang beses na niyang ginawa ito sa akin. Nakakairita.
"Bakit ba pagkatapos mo akong paniwalain na tumigil ka na saka ka biglang susulpot?" bulalas ko dahil sa inis sa kaniya, ngunit nagawa pa niyang ngumiti nang pagkatamis-tamis.
"Nagpapa-miss lang ako, kaso... Mukhang hindi mo man lang ako nami-miss. Pinapahirapan ko lang ang sarili ko." Nagkamot siya ng kaniyang batok. Iiling-iling ako at napairap na lang talaga sa inis.
"Ang sabihin mo bored ka kaya pinagtitripan mo na naman ako."
"Umuwi ka na. Matutulog na ako," pagtataboy ko sa kaniya, dahil nakakairita siya.
"I'll wait for your answer tomorrow morning."
"At may pa-deadline pa siya. Ikaw ba ang masusunod dito?" Namewang ako at taas kilay siyang tiningnan.
Ngumis
