"Si Freda?" tanong ko sa sekretarya. Plano ko itong kausapin ngunit ang bilis niyang nawala.
"Umalis na po, Ma'am. Bakit po?"
"Umalis? Sure ka?"
Kumunot ang noo ng babae. "Opo. Hindi niya pinuntahan si Kyle?"
Nagsalubong ang kilay niya at marahang umiling. "Hindi po. Ikaw nga po ang hanap niya pagkarating na pagkarating niya, e."
Ako naman ngayon ang nagsalubong ang kilay. Sure siya na ako? Eh, hinanap nga sa akin si Kyle, e. Pinagtitripan ba ako ng babaeng iyon? So, nagpunta lang siya para inisin ako kung ganoon?
Magtutuos talaga tayo, Freda.
"May expected guest pa ba ang boss mo? Samahan mo ako sa loob." Madilim na kaya magandang tumanaw sa city lights mula sa glass wall.
Binitbit naman niya ang kaniyang laptop at ilang folder saka pumasok sa loob kasama ko.
Mukhang busy
