Kagaya nga nang sinabi ko ay sa bahay kami umuwi ni Jacob. Maaga pa at wala pa sila Mommy at Daddy roon kaya bukod sa mga kasambahay ay kami lang ang naroon. Nagsabi rin naman sa akin si Ate na baka dumiretsyo sila Mommy at Daddy sa hospital mamaya kaya ako na lang ang bahala na magpahanda ng magiging hapunan namin.
Hindi ko pa rin iniimik si Jacob at wala rin naman siyang kibo hanggang sa makauwi kami roon. Nagbihis lang ako ng pangbahay na damit at iniwanan siya sa loob ng kwarto ko dahil mag-uutos na ako na sa cook namin. Hindi naman ako nahirapang hanapin iyon dahil laging nasa kusina naman si Ate Del at nag-utos na lang ako sa kaniya na magluto ng hapunan. Nag-utos din ako sa ilang kasambahay na dadalhan ng pagkain sila Ayana sa hospital.
Nang matapos ako sa lahat ng inuutos ko sa k
