KINABUKASAN, PUMASOK NA naman si Daisy. Another week, another work. Tinawagan niya ang doctor niya at nagtanong kung puwede siyang magtrabaho. Puwede naman daw pero hindi iyong mabibigat. Sabi pa nito, habang lumilipas ang araw, mas sumeselan ang mga babae kapag buntis. Darating ang araw na hindi muna siya maaaring magtrabaho dahil sa mahal niyang anak. She can't wait to see her child. Hindi na rin siya makapaghintay na malaman ang kasarian ng anak niya. Pero nananalangin siya na sana ay babae ang anak niya.
"Ma'am Daisy, may naghahanap po sa inyo."
Natigilan na lang siya nang marinig iyon at mula sa pinto, nakita niya si Nicole. Sinenyasan niya ito na pumasok na ginawa naman nito. Lumapit ito sa kaniya.
"Sino?"
"Hindi po niya sinabi ang pangalan niya, e. Medyo matanda na po at babae p
