Matapos makapagpahinga saglit ay nagtungo kami sa living area ng malaking bahay ni Phoenix. Isa-isa niyang ipinakikilala sa amin ni Skye ang iba pang magiging kasama namin dito sa bahay.
“This is Nanay Josephine. She is the one who cooks for us. Hindi mo na kailangang problemahin ang pagluluto dahil siya na ang bahala ro’n.” Nakaakbay si Phoenix sa may katandaan at may kapayatan na babae na tinatawag niyang Nanay Josephine.
“Kapag may kailangan kang ipaluto ay sabihin mo lang sa akin.” Nakangiti naman sa akin ang matanda kaya agad na ngumiti rin ako pabalik sa kanya.
“Salamat po. Ako po pala si Astrid, bagong nanny ni Sera…” Nakangiting naglahad ako ng kamay sa matanda at agad din naman niya iyong tinanggap.
“Si Skye naman po, anak ko.” Itinuro ko si Skye na kasalukuyang nakikipagl
